Mer losse de Dom en Kölle, denn do jehööt hä hin.
Wat sull dä dann woanders, dat hätt doch keine Senn.
Mer losse de Dom en Kölle, denn do es hä zehuss.
Un op singem ahle Platz bliev hä och joot en Schuss...
Stell de für, de Kreml stünd om Ebertplatz,
stell de für, de Louvre stünd am Rhing.
Do wör für die zwei doch vell ze winnich Platz,
dat wör doch e unvorstellbar Ding.
Am Jürzenich do wör vielleich et Pentajon,
am Rothus stünd dann die Akropolis.
Do wöss mer overhaup nit, wo meh hinjonn sullt,
un daröm es dat eine janz jewess:
Die Ihrestross, die hiess vielleich Sixth Avenue,
oder die Nord-Süd-Fahrt Brennerpass.
De Mont Klamott (1), dä heiss op einmol Zuckerhoot,
do köm dat Panorama schwer en Brass.
Jetz froch ich üch, wem domet jeholfe es,
wat nötz die janze Stadtsanierung schon?
Do sull doch leever alles blieve wie et es
un mir behaale unsre schöne Dom.
1) Hügel aus Kriegstrümmern, Kölns höchster Berg
Alaf
